पैशाने पैसा वाढतो... पण Mutual Funds मध्ये गुंतवणूक करताना ‘या’ चुका कराल तर सगळा पैसा बुडवेल!

पैशाने पैसा वाढतो... पण Mutual Funds मध्ये गुंतवणूक करताना ‘या’ चुका कराल तर सगळा पैसा बुडवेल!

Mutual Fund Investment Mistakes: गुंतवणूकदारांमध्ये म्युच्युअल फंड एक अतिशय लोकप्रिय गुंतवणूक व्यासपीठ बनले आहे. यामध्ये गुंतवणूक करून भविष्यासाठी एक मोठा निधी निर्माण करता येऊ शकतो. तुम्हीही म्युच्युअल फंडात गुंतवणूक करताना काही सामान्य चुका करत असाल तर, यामुळे आपला नफा कमी होतो किंवा आपल्याला तोटा सहन करावा लागू शकतो. त्याबद्दल सविस्तर माहिती घेऊया.

म्युच्युअल फंडांमध्ये गुंतवणुकीसाठी वेगवेगळे फंड उपलब्ध आहेत. यापैकी, इक्विटी, कर्ज आणि हायब्रिड मुख्य असून यामध्ये SIP, STP आणि SWP द्वारे गुंतवणुकीचे पर्याय उपलब्ध आहेत. यापैकी एसआयपी म्हणजे (सिस्टीमॅटिक इन्व्हेस्टमेंट प्लॅन) म्युच्युअल फंडांमध्ये गुंतवणूक करण्याचा सर्वात सोपा मार्ग आहे. म्युच्युअल फंड SIP मध्ये किमान 12 ते 14 टक्के परतावा मिळतो, पण, लक्षात घ्या म्युच्युअल फंडातील गुंतवणूक बाजारातील चढ०उतारांवर अवलंबून असते.

गेल्या काही महिन्यात देश-विदेशातील शेअर बाजारात प्रचंड चढ-उतार झाले असून म्युच्युअल फंडमध्ये गुंतवणूक करताना गुंतवणूकदारांकडून होणाऱ्या काही सामान्य चुकांबद्दल जाणून घेऊया. म्युच्युअल फंड SIP मध्ये गुंतवणूक करायचे असेल तर प्रत्यकाने या चुका टाळल्या पाहिजे.

भरत कुलकर्णी अकॅडमी 90751 90744

म्युच्युअल फंड गुंतवणूक हमखास करतात या चुका

पडत्या बाजारात SIP थांबवणे

म्युच्युअल फंड गुंतवणुकीवर बाजारातील चढ-उतारानुसार परतावा मिळतो. अशा स्थितीत, साधारणपणे शेअर बाजारात पडझड होताना SIP गुंतवणूकदार घाबरतात आणि एसआयपी बंद करण्याचा विचार करतात जेणेकरून त्यांना आणखी नुकसान होऊ नये, जे पूर्णपणे चुकीचे आहे. तुम्हाला म्युच्युअल फंडात नफा हवा असेल तर दीर्घ मुदतीसाठी गुंतवणूक करा, यामुळे तुम्हाला नफा मिळेल.

यासोबतच, शेअर बाजार पडतो तेव्हा गुंतवणूक करण्यासाठी चांगला काळ मानला जातो. कारण यावेळी शेअर्सची किंमत कमी होते किंवा तुम्हाला कमी किमतीत शेअर्स मिळतात. म्हणून, ही एसआयपी थांबवण्याची वेळ नाही तर, गुंतवणूक करण्याची वेळ आहे.

योग्य म्युच्युअल फंडची निवड करा

गुंतवणूकदाराने आपल्या गरजेनुसार फंड निवडला पाहिजे. उदाहरणार्थ, जास्तीत जास्त नफा हवा असेल तर इक्विटी फंडमध्ये गुंतवणूक करा. त्याचप्रमाणे, कमी जोखीम असलेल्या फंडांमध्ये गुंतवणूक करायची असेल तर Debt आणि हायब्रिड फंड निवडू शकतात. याशिवाय, डिजिटल गोल्डसारख्या ETF मध्येही गुंतवणुकीचा पर्याय आहे.

कर आणि इतर शुल्कांकडे दुर्लक्ष करू नका!

फंड मॅनेजर किंवा एजंटद्वारे तुमचे पैसे म्युच्युअल फंडांमध्ये गुंतवले जातात, ज्याच्या बदल्यात तुमच्याकडून शुल्क किंवा फी आकारली जाते. त्याचवेळी, म्युच्युअल फंडांमधून मिळणारा नफा कराच्या कक्षेत येतो. त्यामुळे तुमच्या नफ्यावर किती कर भरावा लागेल तुमच्या गुंतवणुकीच्या कालावधीवर अवलंबून असते. शेअर्स आर्थिक मालमत्तेअंतर्गत येतात त्यामुळे, यातून मिळणाऱ्या नफ्यावर भांडवली नफा कर भरावा लागतो.

संयमाचा अभाव

लोकांना शक्य तितक्या लवकर नफा हवा असतो पण, कमी कालावधीएवजी तुम्ही दीर्घकाळ गुंतवणूक केली तरच तुम्ही म्युच्युअल फंडांमध्ये नफा कमवू शकता. म्हणून, म्युच्युअल फंडात गुंतवणूक करताना संयम बाळगा. कोणत्याही आर्थिक संकटामुळे तुम्ही SIP मध्ये गुंतवणूक करू शकत नसाल तर थांबवण्याऐवजी SIP पॉज करा.

गुंतवणुकीची मर्यादा वाढवा

SIP टॉप-अपद्वारे तुमची गुंतवणूक रक्कम आपोआप वाढते, जी तुम्ही स्वतः ठरवू शकता. याशिवाय, तुम्ही जेव्हाही इच्छिता तेव्हा सामान्य म्युच्युअल फंडांद्वारे तुमची गुंतवणूक रक्कम वाढवू शकता.

आपल्या आर्थिक नियोजनासाठी भरत कुलकर्णी अकॅडमी संपर्क साधा. भरत कुलकर्णी अकॅडमी 90751 90744