Bharat Kulkarni

धडाम! निफ्टीची घसरण : कोसळत्या बाजाराचे विश्लेषण भरत कुलकर्णी (प्रोफेशनल ट्रेडर आणि पब्लिक स्पीकर) गुंतवणुक मित्रांनो! मागील काही दिवस बाजारासाठी खूप अवघड गेले. बाजारात अचानक घसरण झाली आणि सगळे गुंतवणुक गोंधळात पडले. काय झालं तर? असा सवाल सगळ्यांना पडला आहे. काळजी करू नका, मी आर्थिक बातम्यांचा आढावा आपल्यासाठी घेऊन आलो आहे. या घसरणीमागे काय कारणं असू शकतात ते तुमच्यासोबत शेअर करतोय. जागतिक तणावांमुळे? कदाचित पहिले म्हणजे, इराण आणि इजराइल यांच्यातील वाढत्या तणावाच्या चर्चांमुळे गुंतवणुकदारांमध्ये अस्वस्थता निर्माण झाली. जागतिक अस्थिरतेमुळे गुंतवणुकदार अस्वस्थ होतात आणि शेअर्ससारख्या जोखमीच्या मालमत्तेतून गुंतवणूक बाहेर काढून घेतात. हा "सुरक्षिततेकडे झुकाव" या घसरणीचे एक कारण असू शकते. स्मॉल कॅप्स अडचणीत : पण, एक गोष्ट लक्षात घ्या, मोठ्या कंपन्या, म्हणजे निफ्टी आणि सेन्सेक्स यांच्यात मोठी घसरण झाली नाही असं नाही पण त्यामानाने स्मॉल-कॅप आणि माइक्रो-कॅप या लहान कंपन्या काही काळापासून घसरणीच्या मार्गावर आहेत. बाजारपेठेतील ही कमजोरी इतर सर्व गोष्टी खाली ओढत आहे. नफा घेणे? कदाचित हे...